11, నవంబర్ 2011, శుక్రవారం

గూగులుకు తెలుగు నేర్పాలి మనం!

16 వ్యాఖ్యలు
తెలుగులో పదాలను వాక్యంలో ఇమిడ్చేటపుడు అవి రూపం కోల్పోతూ ఉంటాయి. సంధి జరిగి, సమాసం ఏర్పడినపుడు, బహువచనాలైనపుడు, విభక్తులు చేరినపుడు, .. ఇలా అనేక రకాలుగా పదాల రూపు మారుతూంటుంది. క్రియా రూపాలను బట్టి మారడం సరేసరి! ఇంగ్లీషులోనూ మారతాయిగానీ, తెలుగులో మారినంత ఎక్కువగా ఆ భాషలో జరగదు. పైగా ఇంగ్లీషులో జరిగే మార్పులు కొన్ని ఖచ్చితమైన నియమాలకు లోబడి జరుగుతాయి. ఆ నియమాలు కూడా తక్కువే. తెలుగులోనూ నియమాలున్నాయి గానీ, అవి చాలా ఎక్కువ.

4, నవంబర్ 2011, శుక్రవారం

సీబీఐ ని విచారించిన జగన్ !

3 వ్యాఖ్యలు
ఇవ్వాళ సీబీఐ జగన్ను పిలిచి విచారించింది. గాలి కేసులో జరిగిందీ విచారణ.  ఓ రెండు గంటల విచారణ తరవాత బైటికొచ్చిన జగన్ విలేఖరులతో మాట్టాడాడు.

’నన్ను కేవలంగా సాక్షిగా మాత్రమే విచారించారు. సబితమ్మ గారిని ఏవిధంగానైతే సాక్షిగా విచారించారో అలాగే నన్నూ విచారించారు. అసలు 2002 లో ఈ భూములను (ఏ భూములో చెప్పలేదుగానీ.. టీ హీరెహాళ్ మండలంలోని భూములు అనుకుంటాను) ఓబుళాపురం మైనింగు కంపెనీకి ఇచ్చినది చంద్రబాబేననీ, ఫలానా జీవో ప్రకారం ఆ భూములను ధారాదత్తం చేసారనీ అంచేత చంద్రబాబును కూడా విచారించాలనీ సీబీఐకి చెప్పాను’, అని పత్రికల వాళ్ళకు చెప్పాడు. ఆ జీవో కాపీలను కూడా పత్రికల వాళ్లకు ప్రదర్శించాడు.  ఇకనైనా చంద్రబాబును గుడ్డిగా సమర్ధించే ఎల్లో పత్రికలు బుద్ధి తెచ్చుకుని నిజాలు రాస్తారని ఆశిస్తున్నాను. అని కూడా అన్నాడు.

2, నవంబర్ 2011, బుధవారం

ఆ ద్రోహులు సూర్యుడిపై ఉమ్ముతున్నారు

14 వ్యాఖ్యలు
అబద్ధాలే పునాదిగా ఉద్యమం నిర్మించిన నాయకులు, అబద్ధాలనే ప్రచారాస్త్రాలుగా వాడుకుని ప్రజలను రెచ్చగొట్టిన నాయకులు ఎప్పుడూ అబద్ధాలే చెబుతూంటారు. చరిత్ర వాళ్లకు అనుకూలంగా లేనప్పుడు దాన్ని వక్రీకరిస్తారు, లేదా తమకు అనుకూలమైన చరిత్రను తామే తయారుచేసుకుంటారు. అందులో తెవాదులు దిట్టలు. రాజకీయ దళారులు, రాజకీయ నాయకులు, ఉద్యమం పేరుతో డబ్బులు దండుకునే నాయకులు, మేధావులు, ప్రొఫెసర్లు, పత్రికల సంపాదకులు, బూతుకవులు, ఆటగాళ్ళు, పాటగాళ్ళు, కేటుగాళ్ళు,.. అందరిదీ ఇదే పద్ధతి!

1, నవంబర్ 2011, మంగళవారం

జయహో ఆంధ్రప్రదేశ్!

11 వ్యాఖ్యలు
దాదాపు నూట యాభై ఏళ్ళ వియోగం తరవాత 1956 నవంబరు 1 న తెలుగుజాతి తిరిగి ఏకమైంది. అభివృద్ధి పట్ల, జీవన పరిస్థితుల మెరుగుదల పట్లా ప్రజల్లో ఉన్న ఆకాంక్షలను తీర్చడానికై  సమైక్య రాష్ట్రం ప్రభుత్వాలు కృషి చేస్తూ ఉన్నాయి. మామూలుగా ప్రభుత్వాల్లో ఉండే అలసత్వం, నాయకులు, పాలకుల్లో ఉండే అవినీతి, అక్రమాల వంటి అవలక్షణాలు ఈ ప్రభుత్వాల్లోనూ ఉన్నాయి. ఈ అవకరాల గురించి చేసే విమర్శలు రోజూ మనం చదువుతూనే ఉన్నాం. వింటున్నాం. మనమూ రాస్తున్నాం. బ్లాగుల్లోను, ఇతర మీడియాలోను, ప్రజల్లోను, వివిధ వేదికల మీదా అనేక విమర్శలు వస్తున్నాయి.

31, అక్టోబర్ 2011, సోమవారం

గూగుల్ ప్లస్ బ్లాగర్ = " "

7 వ్యాఖ్యలు
గూగుల్ వాడు అనేక సేవలను తామర తంపర గా జనాల్లోకి దింపేస్తూంటాడు. మన జీమెయిల్లో పైన ఎడం చేతి పక్క నుండి వాడి సేవల జాబితా మొదలౌతుంది. జాబితా చివర ’మోర్’ అనే లింకుంటుంది. అది నొక్కితే మరో సేవలజాబితా కిందకి జారుతుంది. దాని చివర ’ఈవెన్ మోర్’ అనే లింకుంటుంది. అది నొక్కితే ఒక సేవల పేజీకి వెళ్తాం. ఇదివరకు ఆ పేజీనిండా బోలెడు సేవల జాబితా ఉండేది. వాటిలో ల్యాబ్స్ అని ఒకటుండేది.. అది నొక్కితే ఇంకా ప్రయోగ దశలో ఉన్న సేవల జాబితా ఇంకోటి ఉండేది. మొత్తం ఒక యాభైకి పైగానే ఉండేవి. ఇప్పుడు ఆ సేవల జాబితా బాగా చిక్కిపోయింది. అవన్నీ ఏమయ్యాయో తెలవదు.

30, అక్టోబర్ 2011, ఆదివారం

బ్లాగుల / సంకలినుల ద్వారా డబ్బు సంపాదించుకోవడం ఎలా?

8 వ్యాఖ్యలు
మొన్న నేను బ్లాగరులో ఒక చిన్న పొరపాటు పని చేసాను. వేద్దామనుకున్న టపాతో పాటుగా, చిత్తుప్రతుల్లో ఉన్న మరో టపాను - ఇప్పుడప్పుడే వెయ్యదలచుకోనిది-  కూడా ప్రచురించేసాను. అనుకోకుండా జరిగింది. అడెడె.. అనుకుని వెనువెంటనే, దాదాపు అరనిముషం లోపే, దాన్ని ’అ’ప్రచురించేసాను, తిరిగి చిత్తుప్రతుల్లోకి పంపేసాను. ఎందుకైనా మంచిదని హారానికి వెళ్ళి చూసాను. అక్కడ చూపించలేదు. మాలిక లోనూ చూసాను, అక్కడా లేదు. కూడలిలోను, జల్లెడలోనూ రాలేదు.

28, అక్టోబర్ 2011, శుక్రవారం

ఇభరాముడు, మల్కిభరాము

15 వ్యాఖ్యలు
నమస్తే తెలంగాణ పత్రికలో ప్రాణహిత అనే శీర్షికలో అల్లం నారాయణ గారు ఇలా రాసారు:

"ఇబురాముడు’ ఎవరో? తెలుసా? పోనీ ఇబ్రహీమ్ కుతుబ్ షా తెలుసా? తెలియదు. నాకూ తెలియదు. కెప్టెన్ పాండురంగాడ్డి చిన్న పుస్తకం చూసేదాకా ‘ఇబు రాముడు’ అని తెలంగాణవూపజలు ఇబ్రహీమ్ కుతుబ్‌షాను పిలుచుకునే వారని కూడా తెలియదు. తెలంగాణలో ఆయన తెలుగు భాషను ప్రోత్సహించినారన్న విషయమూ తెలియదు. సురవరం ప్రతాప్‌డ్డి అన్నట్టు ‘మనమూ చరివూతకు ఎక్కదగినవారమే’ అనీ తెలియదు. ఎందువల్ల. మనం చరివూతకు ఎక్కలేదు కను క."

25, అక్టోబర్ 2011, మంగళవారం

నిర్హేతుక నిరర్థక నిష్ఫల సమ్మె

6 వ్యాఖ్యలు
ప్రభుత్వ ఉద్యోగులు 40 రోజుల పైగా చేసిన సమ్మెను ఎట్టకేలకు విరమించారు. తెలంగాణ కోసం చేస్తున్నామని మొదలుపెట్టి, ముగింపు ఒప్పందంలో దాన్ని పెద్దగా పట్టించుకోకుండానే సమ్మెను ముగించేసారు. ఎందుకు మొదలుపెట్టారో, ఎందుకు చేసుకు పోయారో, ఎందుకు విరమించారో చూస్తే, ఇదంతా ఒక అయోమయ వ్యవహారంగా కనబడుతుంది.

24, అక్టోబర్ 2011, సోమవారం

విద్రోహ దినం కాదు, ద్రోహుల దినం చెయ్యాలి

4 వ్యాఖ్యలు
రాష్ట్రావతరణ దినోత్సవాన్ని - నవంబరు ఒకటిని - విద్రోహ దినంగా జరుపుకోవాలని కోదండరామ్ పిలుపునిచ్చాడు. ఉద్యమం పేరిట ప్రజల జీవితాలతో చెలగాటాలాడుకుంటూ, కాలక్షేపం చేస్తున్న ఈయన, ఇపుడో కొత్త కార్యక్రమానికి తెర లేపబోతున్నాడు. విద్రోహ దినంతో పాటు, మూడురోజుల పాటు దీక్ష కూడా జరుపుకోవాలని ఫత్వా జారీ చేసాడు. దీక్ష చేసేందుకు అర్హతలేమిటో కూడా జారీ చేసారు సారు!

కానీ, ఇప్పుడు జరుపుకోవాల్సింది విద్రోహదినం కాదు, ద్రోహుల దినం. ఇది విద్రోహ దినం ఎందుక్కాదంటే..

21, అక్టోబర్ 2011, శుక్రవారం

గెలిచినవాడు నీచ మానవుడు

7 వ్యాఖ్యలు
బాన్సువాడ ఉప ఎన్నిక ముగిసింది. తెరాస అభ్యర్థి గెలిచాడు. కానీ అనుకున్నంత మెజారిటీ రాలేదు. కాంగ్రెసుకు చాలానే వోట్లొచ్చాయి, స్వయంగా వాళ్ళు కూడా ఊహించనన్ని వోట్లొచ్చాయి. అందుకు గాను తెరాస తరపున గెలిచిన అభ్యర్థి ఏమన్నాడో చూసారా..? తమకు వోటెయ్యని వాళ్ళు ద్రోహులంట. ఏగడ్డ మీద బతుకుతున్నారో ఆ గడ్డకు ద్రోహం చేసేవాళ్ళంట. ఇతడి ధోరణి వాళ్ళను భయపెట్టేవిధంగా కూడా ఉంది.

15, అక్టోబర్ 2011, శనివారం

సకల జనుల సమ్మె లో తొలి విరమణ

13 వ్యాఖ్యలు
తెలంగాణ ఉద్యమంలో 2011 అక్టోబరు 15 ఒక గుర్తుంచుకోదగ్గ రోజు. అనేక సంఘటనలు కలగలిసి ఈ రోజుకు ప్రాముఖ్యత తీసుకొచ్చాయి. ముఖ్యంగా రెండు సంఘటనల గురించి చెప్పుకోవాలి:

12, అక్టోబర్ 2011, బుధవారం

కాలుష్య కారకుడు, కేసీఆర్

48 వ్యాఖ్యలు
తెలంగాణ ఉద్యమ నాయకుడిగా కెసిఅర్ కో ప్రత్యేకత ఉంది.. అనేక విషపు మాటలు మాట్టాడి ప్రజల మనసులను కలుషితం చేస్తూ ఉద్యమాన్ని ఎగదోస్తూంటాడు. పైగా తాను సరిగ్గా మాట్టాడుతున్నట్టూ, అవతలి వాళ్ళు తప్పుగా మాట్టాడినట్టూ ప్రచారం చేస్తూంటాడు. ఇది అతడికి వెన్నతో పెట్టిన విద్య. తెలంగాణ ఉద్యమాన్ని నిర్మించడానికి దాన్ని చాలా బాగా వాడాడు.

ఈ మధ్య కాలంలో అతడేమన్నాడో చూడండి:

3, అక్టోబర్ 2011, సోమవారం

ప్రజలపై తెవాదుల రాళ్లదాడులు

28 వ్యాఖ్యలు
సకల జనుల సమ్మె పేరుతో మొదలైన సమ్మె ఇవ్వాళ రాళ్ళదాడికి చేరింది. విజయవాడ నుంచి హై. కు వస్తున్న బస్సులపై తెవాద మూకలు రాళ్ళేసి కొట్టాయి.పదికి పైగా బస్సుల అద్దాలు పగిలాయి. ప్రయాణీకులకు కూడా రాళ్ళ దెబ్బలు తగిలాయి. తెల్లారేటప్పటికి హై. చేరుకోవాల్సిన ప్రజలు మధ్యాహ్నం తరవాత చేరుకున్నారు. ఉద్యమాన్ని "మిలిటెంటు అహింస" వైపు  నడవమని తమ నాయకుడు కోదండరామ్ చెప్పాడు గదా.. ఇట్టాగే ఉంటాయి వాళ్ళ చేతలు!

30, సెప్టెంబర్ 2011, శుక్రవారం

నా తెలంగాణకే ఎందుకిలా జరుగుతోంది..

33 వ్యాఖ్యలు
తెలంగాణ ఎందుకు ఇవ్వరు అని తల్లడిల్లిపోతున్న ఒక కరుడుగట్టిన తీవ్ర తెవాది మనోగతం! 
  • తెలంగాణ కావాలని మేం అడుగుతూంటే ఎవడూ పట్టించుకోడేంటి? ఎంతో ప్రజాస్వామికమైన మా డిమాండును ప్రపంచమంతా ఎందుకు వ్యతిరేకిస్తోంది? మా డిమాండు లోని సహేతుకత మాకు ఇంత స్పష్టంగా కనబడుతూంటే లోకంలో ఎవ్వడికీ కనబడదేంటి?

28, సెప్టెంబర్ 2011, బుధవారం

కోదండరామ్ గారి మిలిటెంటు అహింస!

10 వ్యాఖ్యలు
ప్రపంచం మొత్తానికి నలుపంటే నలుపే, తెలుపంటే తెలుపే. కానీ తెవాదనాయకులు అబద్ధాల జీవులు కాబట్టి, వాళ్ళు తెలుపంటే నలుపనీ, నలుపంటే మరోటనీ మనం అర్థం చెప్పుకోవాలి. కోస్తా సీమల ప్రజలను బూతులు తిట్టి, తరవాత "అబ్బే అది తిట్టడం కాదు. మా బాసే అంత. మేం గట్టనే మాట్టాడుకుంటం" అని చెప్పేవాళ్ళు. ఈ బాపతు భాష్యాలను ఇప్పుడు ఉద్యమంలో చాలా ప్రభావశీలంగా ఆచరణలో పెడుతున్నారు కోదండరామ్ సారు.

27, సెప్టెంబర్ 2011, మంగళవారం

సకల నాయకుల దొమ్మీ

8 వ్యాఖ్యలు
తెలంగాణ - ఒక అసంభవ చిత్రం / Telangana - an impossible picture

తెలంగాణ నాటకంలో యుద్ధాంకం జరుగుతోంది. నాయకులు బ్యాచ్చీలు బ్యాచ్చీలుగా విడిపోయి ఘోరంగా యుద్ధం చేసేసుకుంటన్నారు. తెలంగాణ పేరిట ఒక దొమ్మీ జరుగుతోంది. దొమ్మీలో ఎవడితో పోరాడుతున్నామో పట్టించుకోడెవడూ.. కలబడి కొఠేసుకోడమే!  తెలంగాణ నాయకుల దొమ్మీలోనూ అదే జరుగుతోంది.

5, సెప్టెంబర్ 2011, సోమవారం

గాలిని అరెస్టు చేస్తే నాకేంటయా సంబంధం..?

9 వ్యాఖ్యలు
ఎట్టకేలకు గాలి జనార్దనరెడ్డిని అరెస్టు చేసారు సీబీఐ వాళ్ళు. గాలి అరెస్టుపై మీ అభిప్రాయం ఏంటీ అని జగన్నడిగారు విలేఖరులు. ఎంతో చిరాకుపడ్డాడు వాళ్ళ మీద. గాలి అరెస్టైతే జగనుకెందుకంత అసహనం..?

31, ఆగస్టు 2011, బుధవారం

తెలుగులో తేదీని ఎలా రాయాలి? (Date format in Telugu)

2 వ్యాఖ్యలు
తెలుగులో తేదీ ఆకృతి - తేదీ ఫార్మాట్ (Date format) - ఎలా ఉండాలి?

’ఎలా ఏముంది.. 08/31/11 అని ,అంతేగా’ అంటారు నేటి ఐటీ ఘనపాఠీలు. నాకు తెలిసిన ఐటీ కుర్రాడొకడు కిస్మీసు సెలవలకి అమెరికా నుంచి వాళ్ళూరు వచ్చాడు. వాళ్ళ తాతకు ఏదో కాగితం రాసిపెడుతూ తేదీని 12/13/06 అని రాసాడంట. అదిచూసి, ఆ పెద్దాయన, ’సదవేత్తే ఉండమతి పోయిందిరా నీకు’ అని అన్నాడంట. తేదీని తిరగరాసి, ’ఎమెరికన్స్ డేట్ ని అట్లాగే రాస్తారు తాతా’, అని అసలు సంగతి చెప్పాడంట, మనవడు. అమెరికా వోళ్ళకు తిక్కగానీ ఉందేంట్రా.. రోడ్డుకు కుడేపున పోతారంటగా? అని అడిగాడంట ఆయన.  ఔను తాతా. అంతేకాదు, లోకమంతా లీటర్లు, కిలోమీటర్లూ అంటూ ఉంటే వాళ్ళు ఔన్సులు, అడుగులూ, మైళ్ళూ అంటారు. వాళ్ళక్కొంచెం తిక్కలే! అని చెప్పాడంట.

26, ఆగస్టు 2011, శుక్రవారం

లే థింకర్లు, లే.థింకర్లు, భలే థింకర్లు, రిలే థింకర్లు

70 వ్యాఖ్యలు
ముందుగా లే. థింకర్ల గురించి. లే. థింకర్స్ అంటే లే థింకర్స్ (lay thinkers) అని కాదు, ’లే’ పక్కన చుక్క ఉంది చూడండి. లే. థింకర్స్ అంటే లేటరల్ థింకర్స్ అని అండి.  మామూలుగా సూటిగా, నిటారుగా ఆలోచించకుండా కొంత అడ్డంగా, కుసింత ఐమూలగా ఆలోచించేవాళ్ళను లేటరల్ థింకర్స్ అని అంటారు. కాబట్టి వీళ్ళను తేలిగ్గా తీసుకోవద్దని మనవి. కొన్ని సమాజాల్లో వీళ్ళని కూడా మేధావులు అనే అంటూంటారు. వీళ్ళ ఆలోచనలు సమాజం ఆలోచించే పద్ధతికి కొంత ’తేడా’గా ఉంటది. ఉదాహరణకు -

19, ఆగస్టు 2011, శుక్రవారం

పాపం అన్నా హజారే!

13 వ్యాఖ్యలు
ఎవరిమీదైనా లోక్ పాల్ కు మనం ఫిర్యాదించామనుకుందాం. ఆ తరవాత అది రుజువు కాలేదనుకోండి.. మన ఖర్మ కాలినట్టే! ఫిర్యాదు చేసినందుకు మన్ని తీసుకుపోయి జైల్లో పెడతారు. అంటే ఏంటనమాటా.. ఫిర్యాదించేముందు మనమే కేసును పూర్తిగా దర్యాప్తు చేసుకుని, మనకు మనం నిరూపించుకున్నాక, అప్పుడు చెయ్యాలి ఫిర్యాదు. మన ఎంపీలు పార్లమెంటులో వోటేసేందుకు డబ్బుల్తీసుకున్నారనుకోండి, పార్లమెంటులో ప్రశ్న అడగడానికి కూడా డబ్బులు తీసుకున్నారనుకోండి, మనం కళ్ళు మూసుక్కూచోవాలి. మాట్టాడకూడదు.

18, ఆగస్టు 2011, గురువారం

మన్మోహన్ అయ్యవారు ఏం చేస్తున్నారయ్యా అంటే..

4 వ్యాఖ్యలు
అడ్డెడ్డె...

అన్నా హజారే విషయంలో మన అప్రధానమంత్రి చేసిన పనులు చూస్తూంటే రాజకీయ ఆత్మహత్య చేసుకునే ప్రయత్నం లాగా కనిపిస్తోంది. ’ఇహ నీతో పని అయిపోయింది, రాహుల్ గాంధీ కోసం సీటు ఖాళీ చెయ్యి’, అని నేరుగా చెప్పకుండా, ఇలా ఆత్మహత్య చేయిస్తున్నట్టున్నారు. లేకపోతే, ఇంత తెలివితక్కువ నిర్ణయాలు తీసుకుంటారా?

15, ఆగస్టు 2011, సోమవారం

తెవాదుల అబద్ధాల్ని మళ్ళీ ఇంకొకరు బైటపెట్టారు

52 వ్యాఖ్యలు
తెవాదుల అబద్ధాలు పదే పదే బైటకొస్తూ ఉన్నాయి. సీయెన్నెన్ ఐబీయెన్ టీవీ వాళ్ళు చేసిన సర్వే ఈ తెవాదులు కప్పుకున్న అబద్ధాల వలువలను వలిచి మరీ బజాట్టో నిలబెట్టింది.

"తెలంగాణలోని మొత్తం నాలుక్కోట్ల మందీ కూడా ప్రత్యేకరాష్ట్రం కోరుతున్నారు. సీమాంధ్ర ప్రజల్లో మెజారిటీ సంఖ్యలో జనం ప్రత్యేక రాష్ట్రాన్ని కోరుతున్నారు" అనేది వీళ్ల సుప్రసిద్ధ అబద్ధం. ఒకే వాక్యంలో నాలుగైదు అబద్ధాల్ని కూరడం వీళ్ళకున్న చాతుర్యం. పై వాక్యంలో రెండు పెద్ద అబద్ధాలను ఇరికించారు. ఆ సంగతి ప్రతీ రోజూ కోస్తా సీమల నేతలు చెబుతూనే ఉన్నారు, బ్లాగరులు తమ టపాల్లో చెబుతున్నారు, మొన్న శ్రీకృష్ణ కమిటీ కూడా రాత పూర్వకంగా తమ నివేదికలో చెప్పింది. తాజాగా ఇప్పుడు సీబీయెన్ ఐబీయెన్ చెప్పింది -అంకెలతో సహా! ఏం చెప్పిందీ..

5, ఆగస్టు 2011, శుక్రవారం

సమస్యలు బాబోయ్ సమస్యలు

4 వ్యాఖ్యలు
ముసురుకున్న సమస్యల నుండి బైట పడటానికి నాయకులు దేవుణ్ణి ప్రార్థిస్తున్నారు. తాము ఎదుర్కొంటున్న సమస్య నుండి కాపాడమంటూ వేడుకుంటున్నారు. ఇలా సాగాయవి:

మేడమ్మ: ఎట్టాగోట్టా మబ్బాయిని ప్రధానమంత్రిని చెయ్యి ప్రభూ! నాకున్న సమస్యల్లా ఇదొక్కటే. ఈ దేశానికున్న ఏకైక సమస్య కూడా ఇదే! దీన్ని తీర్చావంటే నేను, ఈ దేశ ప్రజలూ కూడా శేష జీవితాన్ని హాయిగా గడిపెయ్యొచ్చు.

4, ఆగస్టు 2011, గురువారం

ఈ రోజుల్లో ఢిల్లీలో ఒకరోజు

10 వ్యాఖ్యలు
ఢిల్లీ నుంచి అందిన రెండు వార్తల గురించిన వివరాలివి, చదవండి.
.................................................................................

కాంగీసాఫీసులో విలేఖరుల సమావేశం జరుగుతోంది. అధికార ప్రతినిధి మాట్టాడుతున్నాడు..

మా మేడమ్మకు ఒంట్లో బాగోకపోడం మూలాన అమెరికా వెళ్ళారు. రెండు మూడు వారాల దాకా తిరిగి రారు. ఈ లోగా తాననుభవిస్తున్న అధికారాలను ఇలా సర్దారు..

12, జులై 2011, మంగళవారం

నూరు గొడ్లను తిన్న రాబందు..

11 వ్యాఖ్యలు
జగను అక్రమంగా ఆస్తులను సంపాదించాడని మంత్రి శంకర్రావు రాసిన లేఖనే ఫిర్యాదుగా తీసుకుని, రాష్ట్ర హైకోర్టు విచారించి, సీబీఐ చేత దర్యాప్తు చేయించాలని ఆదేశించింది.

3, జులై 2011, ఆదివారం

2, జులై 2011, శనివారం

ఉద్యమ నాటకంలో మరో అంకం

11 వ్యాఖ్యలు
తెవాదు లాడుతున్న తెలంగాణ ఉద్యమ నాటకంలో మరో అంకానికి తెరలేచింది. ఈసారి ప్రధాన నటులు తెవాద కాంగీయులు. సహ నటులు తెవాద తెలుగుదేశీయులు. జూలై నాలుగున ఎంపీలు, శాసనసభ్యులు, మంత్రులూ - అందరం  రాజీనామాలు చేసిపారేస్తామని కాంగీయులు ప్రకటించారు. తెవాద తెదేపా నాయకులు తందాన అని గంతులేసారు. తెరాస నాయకులు గుడ్ గుడ్ మంచిగ నటించిన్రు అని మెచ్చుకున్నారు.

14, జూన్ 2011, మంగళవారం

మరింత దిగజారిన లౌకికవాదం

32 వ్యాఖ్యలు
హిందూ వ్యతిరేక భావాలను పదేపదే నిర్లజ్జగా ప్రదర్శిస్తోంది లౌకికవాదం. 

బాబా రామ్ దేవ్ ఆరెస్సెస్ ఏజంటు
అన్నా హజారే ఆరెస్సెస్ ఏజంటు

29, మే 2011, ఆదివారం

మహానాడులో చంద్రబాబు ముగింపు ప్రసంగం

14 వ్యాఖ్యలు
మహానాడులో చంద్రబాబు ముగింపు ప్రసంగం చూసాను. మనిషిలో, మాటలో చాలా తేడా కనిపించింది. ప్రసంగంలో నేను గమనించిన కొన్ని విశేషాలు.

మఖ్యమైన విశేషమేంటంటే -

22, మే 2011, ఆదివారం

"అయితే హైకమాండు పిరికి సన్నాసేనన్నమాట!"

3 వ్యాఖ్యలు
బ్రేకు తరవాత.. (బ్రేకు ముందర జరిగిన చర్చను చదవండి.)

"చెప్పండి ఘొల్లు రవిగారూ, మీ హైకమాండుకు వెన్నెముక లేదట, పిరికిదట, సన్నాసట - నిజమేనా?" అని రంజనీకాంతు అడిగాడు.

21, మే 2011, శనివారం

హైకమాండుకు కమానుకట్టలు విరిగినై

4 వ్యాఖ్యలు
మొన్నామధ్య నూరేళ్ళ పార్టీ హైకమాండు కడప మీంచి బిళ్ళబీటుగా కింద పడింది. అంతెత్తునుంచి కింద పడటంతో  వెన్నెముక విరిగింది, కాళ్ళు రెండూ కూడా విరిగిపోయాయి. నడవలేని స్థితిలో మంచాన బడింది. ముందే హైకమాండంటే ఎటకారమై పోయిన ఆ పార్టీ నాయకులు కొందరికి మరీ అడ్డూ ఆపూ లేకుండా పోయింది. వంకరమ్మ అనే ఒక పార్టీ నాయకురాలు ’అసలు హైకమాండు ఉత్త పిరికిది. పేరుకే అది హైకమాండు, దానికి హై లేదు, కమాండూ లేదు. ఇప్పుడు వెన్నెముక కూడా విరిగింది కాబట్టి, ఇక అది ఉన్నా లేనట్టే" అని అనేసింది. దానిమీద రంజనీకాంతు తొమ్మిదో టీవీలో చర్చ పెట్టాడు. ఆ చర్చ ఇలా జరిగింది..

19, మే 2011, గురువారం

సానుభూతి గెలిచింది

17 వ్యాఖ్యలు
జగను గెలిచాడు. సానుభూతి గెలిపించింది. తండ్రి చనిపోయాడన్న సానుభూతిని ఆధారం చేసుకుని జగను గెలిచాడు. సానుభూతితో పాటు ఈ గెలుపుకు తోడ్పడిన కారణాలు ఇంకా కొన్నున్నాయి. అవి:

28, ఏప్రిల్ 2011, గురువారం

సత్యసాయి ట్రస్టు సభ్యులు చెప్పిందేమీ లేదు, దాచిందే ఎక్కువ!

14 వ్యాఖ్యలు
సత్యసాయి ట్రస్టు నిర్వహించిన మొదటి విలేఖరుల సమావేశం జరిగిందివ్వాళ. బహుశా ఆ ట్రస్టు ఏర్పడ్డాకే ఇది మొదటిదై ఉండొచ్చు. ట్రస్టు సభ్యులంతా కూచ్చున్నారు. తొంభై శాతం మాట్టాడింది శ్రీనివాసన్ అనే అతడే. మిగతా వాళ్ళంతా ఉత్సవ విగ్రహాల్లా కూచ్చున్నారంతే.

16, ఏప్రిల్ 2011, శనివారం

విజయపు తొలిమెట్టు

11 వ్యాఖ్యలు
అవినీతికి వ్యతిరేకంగా జనలోక్‍పాల్ కోసం అన్నా హజారే చేపట్టిన నిరాహారదీక్షకు విస్తృతంగా మద్దతు వచ్చింది. ఉన్నత పదవుల్లో ఉన్న అవినీతిపరుల్ని శిక్షించడానికి గట్టి చట్టాలు చెయ్యండి, ఆ చట్టాన్ని అమలు చేసేందుకు కట్టుదిట్టమైన యంత్రాంగం పెట్టండి అని అన్నా హజారే అడిగాడు. దేశం ఆయన వెనక నడిచింది. తొలి విజయాన్ని సాధించాడు.

15, ఏప్రిల్ 2011, శుక్రవారం

ఉండవల్లి అస్త్రం

13 వ్యాఖ్యలు
ఉండవల్లి అరుణ్ కుమార్ జగనుపైకి ఒక పదునైన ఎన్నికల అస్త్రాన్ని విసిరాడు. పేరుబెట్టి పిలిచి, నిలదీసి ఉండవల్లికి అవకాశమిచ్చాడు జగను. అందివచ్చిన ఈ అవకాశాన్ని ఉండవల్లి బాగా వాడుకున్నాడు.

7, ఏప్రిల్ 2011, గురువారం

ఈ ఇన్స్యూరెన్సు మనకు కావాల్సిందే !

11 వ్యాఖ్యలు
గాలివానలు, భూకంపాలు, అగ్నిప్రమాదాలు మొదలైనవాటిల్లో జరిగే నష్టాన్ని కొంతైనా భర్తీ చేసుకునేందుకు మనకు ఇన్స్యూరెన్సు లున్నై. కానీ మన నాయకులు చేస్తున్న అవినీతి, అరాచకాల కారణంగా జరుగుతున్న నష్టాన్ని భర్తీ చేసుకోడానికి మనకు ఇన్స్యూరెన్సుల్లేవు. వీళ్ళ వలన కలుగుతున్న నష్టం  పైవాటి వలన కలిగే నష్టం కంటే వందల రెట్లు ఎక్కువ. అంచేత మనకు ఇప్పుడు అర్జెంటుగా ఒక అవినీతి ఇన్స్యూరెన్సు కావాలి. భవిష్యత్తులో అలాంటి ఇన్స్యూరెన్సులు వస్తే వివిధ కంపెనీల పాలసీలు, వాళ్ల యాడులూ ఇలా ఉండొచ్చు:

1, ఏప్రిల్ 2011, శుక్రవారం

బ్లాగరు బ్లాగును ప్రదర్శించేందుకు కొత్త అమరికలు

6 వ్యాఖ్యలు
బ్లాగరు వాడు ఒక కొత్త విశేషం తీసుకొచ్చాడివాళ. బ్లాగు నిర్వహణలో, ప్రచురణలో ఇదేమీ ఉపయోగపడనప్పటికీ, బ్లాగును కొత్తగా చూపించుకోడానికి డైనమిక్ వ్యూస్ అనే ఈ విశేషాన్ని వాడుకోవచ్చు.

28, మార్చి 2011, సోమవారం

వయ్యెస్సార్ రౌడీ మూక

95 వ్యాఖ్యలు
శాసనసభలో తెలుగుదేశం పార్టీవాళ్ళు "వయ్యెస్సార్ దొంగలముఠా" అంటూ ప్లకార్డులు చూపించారంట.  అందుకు కోపించిన వయ్యెస్సార్ అనుయాయులు (వారిలో మంత్రులు కూడా ఉన్నారంట)  తెదేపా సభ్యులను పట్టుకుని కొట్టేసారంట.

కొట్టేటప్పుడు ఏమని అన్నారో తెలీటంలేదుగానీ, ఇలా అని ఉండొచ్చని నా ఫ్రెండొకడు అన్నాడు -"ఏరా ఉత్త దొంగల ముఠాయేననుకుంటన్నావా.., మేం రౌడీ ముఠా కూడారోయ్. ఒళ్ళు దగ్గర పెట్టుకోని ప్రవర్తించు"
...............
జాగర్త శాసనసభ్యులారా పోయినోడు హిరణ్యాక్షుడైతే, ఉన్నోళ్ళు హిరణ్యకశిపులు, జరాసంధులు, బకాసురులు!

20, మార్చి 2011, ఆదివారం

ఇదిగో.. ఆ చిరంజీవిని ఢిల్లీకి రమ్మనమని కబురెట్టమని కబురెట్టవోయ్

9 వ్యాఖ్యలు
రాబోయే రోజుల్లో  మనం చూడబోయే వార్తల్లో ఈ కిందిదో దీని లాంటిదో ఉండొచ్చని నా ఊహ.
------------------------------------
"చిరంజీవి గారూ ఒక్ఖసారి ఢిల్లీకి వచ్చిపోరూ.. ప్లీజ్!" - అధిష్ఠానం

హైదరాబాదు, రేపటి వార్త 

ప్రముఖ కాంగ్రెసు నాయకుడు చిరంజీవిని వెంటనే ఢిల్లీకి రమ్మని అధిష్ఠానుడు కబురు పెట్టించారు. ఆయన హుటాహుటిన ఢిల్లీ బయల్దేరి వెళ్తున్నారు. అదృష్టం కలిసొస్తే, ఆయన మేడమ్మను కూడా కలవొచ్చని తెలుస్తోంది.

12, మార్చి 2011, శనివారం

విగ్రహాలను కూలుస్తున్న ముష్కరులెవరు?

22 వ్యాఖ్యలు
విగ్రహాలను కూల్చింది ఎవరో మాకు తెలవదు అన్నారు. అదంతా సీమాంధ్రుల కుట్ర అని చెప్పారు. ఆ విగ్రహాల స్థానంలో తెలంగాణ అమరవీరుల విగ్రహాలు పెట్టాలని డిమాండ్లు చేసారు. మార్చికి అనుమతినిచ్చి ఉంటే ఈ విధ్వంసం జరిగి ఉండేది కాదంటూ చెప్పుకొచ్చారు. తెవాద నాయకులు ఎలా మాట్టాడ్డానికైనా సమర్ధులే! ఇవ్వాళ టీవీ 9 లో వచ్చిన వార్త చూసాక వీళ్ళు ఏం చెయ్యడానికైనా సమర్ధులేనని తెల్లమైంది.

10, మార్చి 2011, గురువారం

ప్రజాస్వామిక రౌడీయిజం

22 వ్యాఖ్యలు
’ఇది ప్రజాస్వామిక , అహింసాయుత ఉద్యమం. మేమెంతో ప్రజాస్వామికంగా ఈ ఉద్యమాన్ని నడుపుతున్నాం. పోలీసులు, ప్రభుత్వం మమ్మల్ని అప్రజాస్వామికంగా అణచివేస్తున్నారు’ అంటూ తెవాద నాయకులు గోల పెడుతూ ఉంటారు. వాళ్ళు ఇవ్వాళ చేపట్టిన మిలియన్ మార్చి కూడా ఎంతో చక్కగా, కనీవినీ ఎరగనంత ప్రజాస్వామికంగా జరిగింది.

17, ఫిబ్రవరి 2011, గురువారం

గవర్నరు గారూ, వాళ్ళ దౌర్జన్యాలు చూసారు కదా..!

74 వ్యాఖ్యలు
గవర్నరు గారూ,
ఏనాడూ జరగని సంఘటనలు సభలోనూ బయటా జరిగాయి. ఒక శాసనసభ్యుడికే రక్షణ లేకుండా పోయింది. ప్రజాస్వామ్యమంటే నచ్చని కొందరి కారణంగా ఇవ్వాళ స్వేచ్ఛకు విఘాతం ఏర్పడింది. స్వేచ్ఛగా తన అభిప్రాయాలను వెల్లడించే ఒక గౌరవనీయ సభ్యునికి, తద్వారా ప్రజాస్వామ్య స్ఫూర్తికి అవమానం జరిగింది. ’మేము చెప్పినదే నిజం, మేము చెప్పేదే అందరూ వినాలి, అవతలి పక్షం మాటలను వినం, విననివ్వం, అసలు అవతలి వారిని మాట్టాడనివ్వం’ అనే ధోరణి గల నియంతల కారణంగా ఈ పరిస్థితి తలెత్తింది.

శాసనసభ వద్ద రౌడీలు

74 వ్యాఖ్యలు
శాసనసభలో తెలంగాణ ఎమ్మెల్యేలు గొడవచేసి సభ వాయిదా పడేలా చేసారు. తరవాత సభనుంచి బయటికి వచ్చిన జయప్రకాశ్ నారాయణ  మీడియాతో మాట్టాడాక వెళ్తూండగా తెరాస ఎమ్మెల్యేలు అడ్డుకున్నారు. ఈ సమయంలో ఎవరో ఆయన మీద దాడి చేసి తలపై కొట్టారు. టీవీ9 లో ఇది స్పష్టంగా కనబడింది. అయితే చెయ్యి కనబడింది గానీ, అది ఎవరిదో కనబడలేదు. చెయ్యి మాత్రం అక్కడ కెమెరాలు పట్టుకున్న జనాల గుంపులోనుండి వచ్చింది.

28, జనవరి 2011, శుక్రవారం

కలియుగంలో శూర్పణఖ

24 వ్యాఖ్యలు
[ఈ టపా రాయడానికి ప్రేరణ ఇది: http://www.youtube.com/watch?v=JlMUlgWsd7w&feature=player_embedded]

 త్రేతాయుగం! ముక్కూ చెవులూ కోయించుకున్నాక, శూర్పణఖ నెత్తురోడుతూ అన్న దగ్గరికి వెళ్ళి చెప్పుకుని ఏడవడం, సీతాపహరణం, రావణవధ, శ్రీరామ పట్టాభిషేకం.. ఇవన్నీ మనందరికీ తెలిసినవే!. అయితే ముక్కుచెవులూ కోయించుకున్న శూర్పణఖ గతి ఆ తరవాత ఏమైందో మనం పట్టించుకోలేదు. ఏమైందో చూద్దాం..

20, జనవరి 2011, గురువారం

అధిష్ఠానం కేళి - కాంగీయుల కథాకళి

9 వ్యాఖ్యలు
అసలు సంగతి కెళ్ళేముందు..

మన ప్రధానమంత్రి గారు ఇవ్వాళ కొన్ని రత్నాల్లాంటి మాటలు చెప్పాడు. వాటి సంగతి చూద్దాం.
1. తెలంగాణ సంగతి ఎప్పుడు తేలుస్తారు అని అడిగితే "సరైన సమయంలో సరైన నిర్ణయం తీసుకుంటాం" అని చెప్పాడు. సరైన సమయమంటే మళ్ళీ మేడమ్మ పుట్టినరోజు రావాలి కాబోలు. ("సరైన సమయంలో సరైన నిర్ణయం" కోసం గూగిలించి చూస్తే..  2490 ఫలితాలొచ్చాయి.)

లై బోలో తెలంగాణ

70 వ్యాఖ్యలు
మనకు శంకరనే ఒక దర్శకుడున్నాడంట. దర్శకుడు శంకరంటే 'జంటిల్మెన్' శంకరనే అనుకుంటూండేవాణ్ణి నేను. కానీ ఇతడు ఆ తమిళ శంకరు కాదనీ.. తెలుగు శంకరేనని తరవాత తెలిసింది. అయితే అతడు తనను తెలంగాణ శంకరని పిలుచుకుంటన్నాడు. ఇదివరకు పెద్దగా కనబడేవాడు కాదుగానీ, ఈమధ్య మాత్రం హఠాత్తుగా ఎక్కడబడితే అక్కడ తెగ కనబడిపోతున్నాడు, వినబడిపోతున్నాడు.ఔను మరి ఇది తెలంగాణ సీజను కదా!

8, జనవరి 2011, శనివారం

’చదువరి’ పత్రికలో వచ్చిన కొన్ని వార్తాశీర్షికలు

24 వ్యాఖ్యలు
’చదువరి’ పత్రికలో ఇప్పుడు/రాబోయే పదేళ్ళలో వచ్చే వార్తల శీర్షికలివి. అవధరించండి.

"మరో నెల రోజుల్లో ముఖ్యమంత్రి కిరణ్ కుమార్ రెడ్డి ఢిల్లీ నుండి హైదరాబాదు రాక"

"ఉద్యమం కోసం ఇంకా ఎవరూ ప్రాణత్యాగం చేసుకోలేదు. కాబట్టి ఎవరూ చేసుకోకండి - జాక్ ది రిప్పర్"

"మీ ప్రాణాలు పణంగా పెట్టైనా సరే తెలంగాణ సాధిస్తాం -ఉస్మానియాలో ఇంకో జాక్"

6, జనవరి 2011, గురువారం

శ్రీకృష్ణ కమిటీ నివేదికకు స్వాగతం!

62 వ్యాఖ్యలు
శ్రీకృష్ణ కమిటీ నివేదిక వెలువడింది.  పెద్ద నివేదిక, దాంతోటి అనుబంధాన్నీ జాలంలో పెట్టారు.
నివేదిక: http://mha.nic.in/pdfs/CCSAP-REPORT-060111.pdf
అనుబంధం: http://mha.nic.in/pdfs/CCSAP-Appendix-060111.pdf

నేను చదివినంతలో గమనించినవివి:

సంబంధిత టపాలు