నా తెలంగాణకే ఎందుకిలా జరుగుతోంది..

తెలంగాణ ఎందుకు ఇవ్వరు అని తల్లడిల్లిపోతున్న ఒక కరుడుగట్టిన తీవ్ర తెవాది మనోగతం! 

• తెలంగాణ కావాలని మేం అడుగుతూంటే ఎవడూ పట్టించుకోడేంటి? ఎంతో ప్రజాస్వామికమైన మా డిమాండును ప్రపంచమంతా ఎందుకు వ్యతిరేకిస్తోంది? మా డిమాండు లోని సహేతుకత మాకు ఇంత స్పష్టంగా కనబడుతూంటే లోకంలో ఎవ్వడికీ కనబడదేంటి?
• ఎనకబడిపోయామని గోలపెడితే అది తప్పని నిరూపించారు తప్ప నా తెలంగాణ నాకు ఇవ్వలేదు. అన్యాయం జరిగిందని వాపోతే ఆ శ్రీకృష్ణ కమిటీ వేసి కానేకాదని చెప్పించారు తప్ప నా తెలంగాణ నాకు ఇవ్వలేదు. ఎందుకు మాపై ఇంత కక్ష?
• శ్రీకృష్ణ గాడు తప్పుడెదవని మేం ముక్తకంఠంతో దిక్కులు పిక్కటిల్లేలా బూతులు తిట్టామే.. ఒక్ఖడంటే ఒక్ఖడైనా ’ఔను, నిజమే’ అని అన్నాడా ఈ లోకంలో? ఒక్కడైనా శ్రీకృష్ణను బూతులు తిట్టాడా? నా తెలంగాణ నాకు ఇచ్చేసారా?
• ఎన్నేసి బూతులు రాసాం మా కవితల్లో! కనీసం ఒక్కడంటే ఒక్కడైనా "వాహ్" అన్నాడా? మేమేమైనా చాటుమాటుగా, అర్థమయ్యీ కాకుండా తిట్టామా.. నేరుగానే తిట్టామే, అచ్చబూతులే తిట్టామే! అయినా తెలంగాణ ఎందుకివ్వరీ కొడుకులు?
• ’ఆంద్ర పెట్టుబడిదారుల’ను అమ్మ నాబూతులు తిట్టినా.. వాళ్ళ దగ్గర డబ్బులు గుంజినా.. వాళ్ళ వ్యాపారాలను మాత్రం చేసుకోనిచ్చామే.. అయినా తెలంగాణ ఇవ్వరేంటి?
• ’ఆంద్ర నాయకులు’ తెలంగాణ ప్రజల గుండెగోసను ఎందుకు వినరు? తమ ప్రజల మాటను ఎందుకు వింటున్నారు వాళ్ళు? వాళ్ళకేం పోయే కాలం?
• ’ఆంద్రోళ్ళు’ మా గోడును వినరెందుకు? మా డిమాండుకు మద్దతు ఇవ్వడం లేదెందుకు? అమాయకుడైన  తమ్ముడి గోడును పట్టించుకోరెందుకు ఆ దోపిడీదారులు, కులపిచ్చిగాళ్ళు, ఆ సన్నాసులు, ఆ వలసవాదులు?
• నా ఇష్టమొచ్చిన విగ్రహాలను నేను పడగొట్టుకుంటాను. వీళ్ళకెందుకు ఏడుపు?  విగ్రహాలను పడగొట్టుకునే స్వేచ్ఛ కూడా తెలంగాణవాడికి లేదా  ఈ సమైక్య రాష్ట్రంలో? ఎందుకు మాకెవ్వడూ మద్దతివ్వలేదు ఈ విషయంలో?
• ఆంద్రోడు గడసరి అని, తెలంగాణోడు అమాయకుడనీ జవహర్ లాల్ నెహ్రూ కూడా చెప్పాడే.. అయినా మా అమాయకత్వము, ఆంద్రోడి గడసరితనమూ ఒక్క సాలెగాని క్కూడా కనబడదేంటి? 
• కేంద్రప్రభుత్వం మహత్తరమైన మా ఉద్యమాన్ని ఎందుకు ఉపేక్షిస్తోంది? ఎందుకు దానికి మా ఆకాంక్ష వినబడ్డం లేదు? ఎందుకు నా తెలంగాణ నాకు ఇచ్చెయ్యదు? 
• తెలుగు మీడియా మాకు ఎందుకు ప్రాధాన్యత ఇవ్వదు? జనం చేత పనులు మానిపించి ఇరవైనాలుగ్గంటలూ ఉద్యమం చేయిస్తున్నామే.. ఈ మీడియా సన్నాసులు ఇరవై మూడు గంటలే మాకు కేటాయిస్తున్నారెందుకు? మిగతా గంటను ఆంద్రోళ్ళకు ఎందుకు తాకట్టు పెట్టారు ఈ తల మాసిన వెధవలు?
• జాతీయ మీడియా తెలంగాణను పట్టించుకోదెందుకు? ఎందుకు వాళ్ళు ఆంద్ర పెట్టుబడిదార్లకు అమ్ముడుబోయారు? మాకెందుకు అమ్ముడు పోలేదు? మా బ్లాక్ మెయిలుకు ఎందుకు లొంగరు? 
• ఉద్యమానికి మద్దతు ఇవ్వని ఉద్యోగులను కొట్టడం తప్పా? వాళ్ళను బూతులు తిట్టడం నేరమా? మా చేతుల్లో దెబ్బలు తిన్నవాళ్ళను ఓదార్చడం మాత్రం రైటా? ఏమిటీ పక్షపాతం? ఎందుకురా నా తెలంగాణపై మీ అందరికీ ఈ వివక్ష?
• కథల సంకలనాల్లో కూడా తెలంగాణ కవులు రచయితలను పట్టించుకోవడం లేదు ఆంద్ర కుట్రదారులు. ఎందుకు వాళ్ళు మాకు బొందపెడుతున్నారు? ఎందుకీ వివక్ష?
• చివరికి అమెరికావోడు కూడా ఈ ఉద్యమం గురించి వ్యతిరేకంగానే ఎందుకు చెప్పుకుంటున్నాడు? ఎందుకు తెలంగాణపై అంతర్జాతీయ కుట్ర జరుగుతోంది?
• ఆకరికి మా సొంత తెలంగాణ బిడ్డలు కూడా మా గోస పట్టించుకోరెందుకు? వాళ్ల చదువులు చెడగొట్టుకోరెందుకు?  పిల్లల చదువులు చెడగొట్టి మరీ ఈ ఉద్యమం చేస్తూంటే, వాళ్ళంతా పోయి ఆంద్రలోను, కర్ణాటకలోను, తమిళనాడులోనూ చేరి చదూకుంటారా.. హన్నా!
• వికీలీకులు కూడా తెలంగాణకు వ్యతిరేకంగానే ఎందుకున్నై?  మా గోసను వాడెందుకు పట్టించుకోడు? మాకు మద్దతుగా ఏదో ఒకటి లీకు చెయ్యడెందుకు?
• ప్రపంచంలోనే అద్భుతము, అపురూపము, అపూర్వమూ అయిన మహత్తర ప్రజాస్వామిక ఉద్యమం తెలంగాణలో మాత్రమే జరుగుతూంటే బ్రూనై నుంచి బుర్కినాఫాసో దాకా ఒక్కదేశం నుంచైనా, ఒక్కడైనా, ఒక్కసారంటే ఒక్క సారన్నా ఇక్కడికి వచ్చి చూసిపోయాడా? మా ఇంటర్వ్యూ తీసుకున్నాడా? మమ్మల్ని పిలిచి వాళ్ళ టీవీల్లో చర్చ పెట్టాడా? 

దేవుడా, నా గుండెచప్పుడును ప్రపంచం ఎందుకు వినలేకపోతోంది?
ఎందుకీ లోకమంతా నాకు అన్యాయం చేస్తోంది?
ఎందుకీ కుట్ర?
ఎందుకు?
ఎందుకు??
ఎందుకు దేవుడా..???